100 ang panibag-o nga nagdugang sa kaso sang COVID-19 sa probinsya sang Negros Occidental kahapon samtang 41 naman ang nagdugang nga kaso sa syudad sang Bacolod.
Sa COVID-19 Regional Case Bulletin No. 429 nga ginpagwa sang Department of Health Center for Health Development-Western Visayas, nadugangan sang 454 ang kaso sa Region 6.
Sa nasambit nga numero 29 diri ang nagikan sa Aklan; 23 sa Antique; 52 sa Capiz; 12 sa Guimaras; 90 sa Iloilo; 100 sa Negros Occidental; 41 sa Bacolod City kag 107 ang nadugang sa Iloilo City.
Bangud diri, nagdangat na sa 46,513 ang kabug-usan nga kaso sang COVID-19 sa Western Visayas kun sa diin nadugangan sang 123 ang mga nag-alayo sa balatian gani yara na ang kabug-usan nga recoveries sa 38,101 samtang nagapabilin naman sa 1,126 ang death toll.
99 sa mga nadugang nga kaso sang COVID-19 sa probinsya sang Negros Occidental ang local cases kag isa ang Returning Overseas Filipinos (ROF).
Samtang 41 naman sa panibag-o nga kaso sang Bacolod City ang lunsay local cases.
Nagdangat na sa 9,459 ang kabug-usan nga kaso sang COVID-19 sa Bacolod kun sa diin 1, 218 ang aktibo; 7,985 ang nag-alayo kag nagapabilin sa 254 ang nagtaliwan.
Samtang yara naman sa 14,715 ang kabug-usan nga kaso sang COVID-19 sa Negros Occidental kun sa diin 1926 ang aktibo; 12,501 ang nag-alayo kag nagapabilin sa 280 ang death toll./
