Ginalantaw nga matapos na sa 1st week sang Mayo ang building nga pagahimuon COVID testing center sa probinsya sang Negros occidental.
Suno kay Atty. Reyfrando Diaz, Provincial Administrator, halos tapos na ang physical set-up sang bio-lab sa Silay, kag magapatindog na sang dugang nga building nga requiement sang RITM.
Maga-issue naman ini sang purchase request sa pagbakal sa kinahanglanun nga kagamitan kag mga preferral equipment sang RT-PCR.
Napirmahan naman ni Negros Occidental Governor Eugenio Jose “Bong” Lacson ang P12 million nga budget nahanungod naman sa pagbakal sang insiyal nga gamit para sa COVID-19 specific test kit.
Sa madali naman nga panahon, maga issue sang resolusyon ang deeds and awards committee para sa emergency purchase sang kagamitan kag mga nagaka igo nga test kit.
Ginatinguhaan sini nga maunahan ang deadline nga ginhatag ni Congressman Alfredo “Albie” Benitez sa gobyerno, nga mapatindog ang laboratoryo sa una nga semana sang Mayo.
Ang purchase order ang mabatun sang mga contractor ukon supplier nga makahatag sang pinaka kalidad nga equipment kag kumpleto nga test kit.
Gina-ekspektar nga ang laboratoryo ang sarang makabuhat sang 6,000 ka test nga pagahemuon sa mga suspected cases sa probinsya.
Ginapangabay sini nga malab-ot ang deadline agud nga sa pagtsekyar sang RITM nga pasado ini kaupod sa mga kagamitan, gilayon nalang nga makapadala sang magatrain sa mga empleyado.
Suno kay Diaz, kapag maka level 4 na ang laboratoryo kag maka identify sang positive, sarang na ini nga makasaka sa level 5.
Kapag mag level 5 naman, apwede na nga mapahanugutan ang mass testing sa mga targeted areas.
Nagapati naman si Diaz nga makita sang Diyos ang pagtinguha sang kada isa, kag iga-blessingan ang kabudlay agud nga maagbunga ini sang maayo.
