Sumugod sa Lunes, pagabuksan na sa mga mall ang COVID vaccination sang mga kabataan nga nagaedad lima tubtub 11 anyos.
Nahibaluan nga sa karun ang pagbakuna sa five to eleven years old ang ginpatigayon pa lang sa mga ospital kag pili nga eskwelahan.
Suno kay Bacolod City Emergency Operations Center (EOC) executive director Em Ang, sa STI West Negros University ang vaccination kahapon, Pebrero 17.
Suno kay Em Ang, maayo ang turn out sang vaccintion program.
Pasalig naman ni Ang nga magapadayun ang pagbakuna sa lima tubtob onse anyos tubtob sa weekend kag dugangan sang vaccination sa mall sa Lunes.
Gin-athag man sang executive director sa EOC nga sa lain ang vaccination area sang mga 5 to 11 years old sangsa 12 anyos pasaka bangod mas manubo ang dose ukon reformulated ang Pfizer vaccine jabs nga ginatublok sa magagmay nga kabataan.
Dugang pa ni Ang nga may special training man ang mga vaccinators sa nagakaigo nga paagi sa paghandle sang pediatric vaccination sang lima tubtob onse anyos.
