Crater glow nga nasiplatan sa Bulkan Mayon kagab-i, indikasyon sang posibilidad sang lava flow suno sa Phivolcs

Naobserbahan ang crater glow ukon “banaag” sa baba sang Bulkan Mayon, pasado alas 7:00 ang takna kagab-i, Miyerkules, Enero 7.

Sa paathag sang Philippine Institute of Volcanology and Seismology (PHIVOLCS) ini ang tuga sang pag-init sang atmosphere sa ibabaw sang Bulkan bangud sa nagwa nga init sang volcanic gas nagikan sa bag-o nga expose nga magma sa baba sini.

Bangud sini, ginalauman ang lava flow anuman nga oras sa tion nga nagdestabilize ang bag-o nga materyales ukon bag-o nga lava sa sa baba sang Bulkan.

Yara sa gihapon sa Alert Level 3 ang Bulkan Mayon kag ginadumilian ang pagsulod sa 6 kilometers permanent danger zone.