Sarang nga magamit nga suporta sa impeachment complaint ang criminal case nga ginpasaka batok kay Vice President Sara Duterte suno sa political analyst.
Sa interview sang Bombo Radyo Bacolod kay Atty Jomax Ortiz, indi makabalabag ukon makapadugay sang impeachment trial ang pagfile sang National Bureau of Investigation (NBI) sang grave threats kag inciting to sedition may kaangtanan sa statement sini nga kun siya ang patyon ini ang may nasugilanon na nga magpatay kay President Ferdinand “Bongbong” Marcos Jr., First Lady Liza Araneta Marcos kag House Speaker Martin Romualdez.
Suno sa abogado si desisyon sang Korte Suprema, ang Presidente lamang ang may immunity from suit gani sarang gid nga mapasakaan sang criminal case si VP Sara.
Wala man ini sang epekto sa impeachment trial bangod mahimo lamang nga magdungan ang impeachment trial kag criminal proceedings.
Suno diri, ipasaka sang Department of Justice sa Regional Trial Court ang kaso, kag sa tion nga magpagwa sang warrant of arrest, mahimo gilayon makapatigayon sang arraignment.
Paathag sang abogado nga mahimo nga magpost no bail ang korte sa kaangay nga kaso, apang bangod Bise Presidente ang akusado, mas dako ang tyansa nga may itanyag nga bail bond.
Gani gilayon man nga makapyansa si VP Sara sa kaso apang atubangon gihapon sini ang mga hearings.
Suno diri, mahimo gamiton sang mga Kongresista ang criminal charges bilang dugang nga bug-at sa ila impeachment complaint.
Aminado si Ortiz nga survival of the fittest ang sitwasyon sang politika sa Pilipinas, kag indi man ma-underestimate ni Marcos ang mga Duterte bangod mabaskog gihapon ang ila pwersa.
Kaangay lamang kanday Senator Riza Honteveros kag Senatorial candidate Chel Diokno nga gin’boo’ sang magpangampanya sa Cebu.
Suno diri, parehas gihapon ang paagi sang pagpangampanya ni Marcos apang mas ginpakumplikado lamang agud mapukan si VO Sara.
Kun maconvict, si VP Sara ang indi na makapapili sa 2028 Presidential Elections apang kun ma-acquit, mas magadako ang tyansa sini sa pagdaog.// Si former President Rodrigo Duterte ang indi naman makapapili bilang Presidente apang ligwa lamang makapapili bilang Bise Presidente.
