Patay ang Criminology Graduate matapos ma-aksidnete sa banwa sang Hinigaran, Negros Occidental kahapon sang kaagahon.
Ang biktima ang ginkilala nga si Mike Elliouise Vallejo, 29 anyos, residente sang Poblacion banwa sang San Enrique.
Sa interview sang Bombo Radyo kay Police Captain Leonel Adolacion, Deputy Chief of Police sang Hinigaran Municipal Police Station, ginpahayag sang mga pumuluyo ila nalang nabatian nga may naglagapok kag nasiplatan nga may suga sang motor nga napatay.
Sa inisyal nga imbestigasyon sang mga kapulisan, nadulaan ini sang balanse kag nadagdag sa gutter ang motor nga Yamaha 150.
Nahulog ang biktima sa pil-as gani indi ini makit-an kun may mag-agi nga tawo.
Samtang suno sa amay sang bikitma, wala naga-inom sang makahulubog nga ilimnon ang iya bata apang madasig lang gid ini kun magpadalagan sang motorsiklo.
