Crisis Alert Level 3 ukon voluntary repatriation, ginpatuman sang Philippine government sa Israel kag Iran

Ginpasaka sang gobyerno sang Pilipinas ang crisis alert sa level 3 sa Israel kag Iran kag nagpanawagan sa mga Filipino nga trabahante nga mag-avail sang voluntary repatriation sa tunga sang nagapadayon nga gyera sa tunga sang duha ka Middle Eastern countries.

Sa statement sang Department of Foreign Affairs, ginpahayag sini nga dapat ikonsiderar sang mga Filipino kag sang ila mga dependents nga magparepatriate agud malikawan ang matrap sa gyera nga nagapadayon sa karun.

Ang Crisis level 3 ukon voluntary repatriation phase ang ginapatuman sang gobyerno sang Pilipinas sa mga pungsod nga may deteriorating security conditions.

Indi magnubo sa 30,000 ka mga trabahante, kalabanan mga caregivers, ang yara sa Israel kag masobra 1,000 ang yara sa Iran.