May bag-o na nga lovelife ang aktres nga si Cristine Reyes sa isa ka non-showbiz personality matapos ang break up nila ni Marco Gumabao.
Suno sa aktres, nalipay na ini sa karun sa pribado nga life nga may yara siya apang wala na sini ginbuyagyag pa ang rason sa pagbulagay nila ni Gumabao.
Madumduman nga nag-ibwal ang breakup rumors sang duha sang Abril matapos nga gin-unfollow nila ang isa kag isa sa social media.
Apang matapos ang pila ka adlaw, liwat nila nga ginfollow ang isa kag isa apang wala nila direkta nga gin-address ang breakup rumors.
Una nga nalinked ang duha sang Marso 2023 sang nakit-an sila nga magkaupod sa Siargao kag Makati.
Nangin official ang ila relasyon sa social media sang Abril 2023 sang ginshare ni Gumabao ang sweet moments nila nga duha kaangay na lamang nga nagkiss ini sa guya ni Reyes samtang ginakup-an siya sa likod.
Madumduman nga si Reyes ginkasal sang 2016 kay Ali Khatibi kun sa diin may yara sila sang isa ka bata nga babayi apang nagbulagay sila sang tuig 2019.
