Gindala sa ospital ang contractor nga si Pacifico “Curlee” Discaya, isa sa mga personalidad nga nalakip sa flood control scandal, ini ang ginkumpirmar sang iya nga abogado kahapon.
Ginpahayag sang abogado ni Discaya nga si Cornelio Samaniego III, nakaeksperyensya sang nagkalain-lain nga balatian ang iya nga kliyente.
Suno kay Senate President Vicente “Tito” Sotto III, ginpaidalom sa MRI test si Discaya bangud sa frozen shoulder.
Suno diri, malip-ot lamang ang oras sang pagtinir ni Discaya sa ospital gani ginbalik man ini gilayon sa detention facility sang Senado matapos ang eksaminasyon.
Madumduman nga nakadetain si Discaya sa Senado humalin pa sang Setyembre 2025 matapos ini nga ma-cite in contempt may kaangtanan sa imbestigasyon sang gina-alegar nga anomaliya sa flood control projects.
