Ginaduso sang Department of Information and Communications Technology ang pagtuon sang ‘cyber hygiene’ indi lang sa publiko kundi ilabi na sa mga pamatan-on.
Ini agid nga matun-an sang publiko nga mas mahinalungon sa paghimo sang transaksyon online agud nga malikawan ang indi maayo nga hitabo sa tagsa ka indibidwal.
Suno kay DICT Secretary Ivan John Uy, dapat mahibaluan nga gilayon sang isa ka bata kun paano tipigan ang kaugalingon sa tion nga nagagamit sang smartphone.
Suno kay Uy, ang cyber hygiene ang indi lang technical skill kundi ini ang makabig man nga isa ka life skill nga importante nga matudlo sa pamatan-on.
Samtang, sa pagsulod naman sang una nga adlaw sang Pebrero, naghatag liwat sang paandam si Secretary Ivan John Uy subong nga love month.
Ini kasunod sang ginalauman nga pagdamo pa sang marekord nga kaso sang love scams.
Gani nagpanugyan si Uy nga maghalong sa mga transaksyon ukon aktibidad online.
