Ginapanumduman sang Cybercrime Investigation and Coordinating Center (CICC) ang pagpasaka sang kaso batok sa pila ka telecommunications companies kag ila mga free agents karun nga linibo nga mga unregistered SIM cards ang ginagamit sang mga sindikato.
Pahayag sang CICC nga ang mga organized crime syndicates ang nagapadala sang text messages nga may kaupod nga links nga ginagamit sa scamming.
Dugang pa sang mga ini nga sila ang magasapol upod sa National Telecommunications Commission (NTC) agud diskusyunan ang resulta sang imbestigasyon.
Una na nga ginduso ni Senator Joel Villanueva sa Senado nga imbestigahan ang pagtaas sang numero sang gambling-related text scams kag paggamit, pagbaligya kag importasyon sang cell site simulators agud magpadala sang mga cell site simulators.
Ang mamalidha ang nagfile sang proposed Senate Resolution 1057, kun sa diin ginpatpat sini ang dako nga numero sang SIM cards nga narecover sa nakaligad nga mga raids sa mga Philippine Offshore Gaming Operators (POGO) hubs.
Madumduman nga ang SIM Registration Act ang ginpirmahan ni President Ferdinand “Bongbong” Marcos Jr. agud mangin layi sang Oktobre 2022 sa tinutuyo nga mapapas ukon mapanubo ang scams nga ginahimo pinaagi sa text ukon online messages.
Nagpasalig man ang NTC nga i-address nila ang nasambitan nga concerns sa POGO-related scamming activities kadungan sa paninugan nga ang SIM Registration Law, ang indi makabig ‘silver bullet’ batok sa messaging scams, kag madamo pa sang ginapangatubang nga kabudlayan sa implementasyon.
