DA mas ginpabaskog pa ang pag-implementar sang Anti-Agricultural Economic Sabotage Act

Gin-anunsyar sang Department of Agriculture (DA) nga mas ginapabaskog pa nila ang pagbantay sa warehouses bilang pagsunod sa Anti-Agricultural Economic Sabotage Act.

Ginpahayag sang DA nga ginmando na nila ang mandatory registration sang warehouses, cold storage facilities, kag iban pa nga agricultural logistics hubs paagi sa pag-issue sang “Guidelines for the Registry System for Agri Storage.”

Sa idalom sang guidelines, tanan nga pasilidad sa diin ginatambak ang mga agricultural kag fishery products ang dapat nga magparehistro paagi sa DA Online Registration System.

Sakop sang mandatory registration ang mga warehouse sang bugas, onion cold storage, meat freezers, kag iban pa.