Ginpahayag sang Department of Agriculture nga wala sang may ipatuman nga pagsaka sa presyo apisar nga nagdangat na sa masobra P320 million ang halit sang bagyo sa agrikultura.
Suno kay DA Assistant Secretary Arnel de Mesa, walo ka rehiyon ang apektado kag kalabanan nga naapektohan amo ang mga humayan.
Sa kabug-usan nagdangat na sa 14,700 farmers kag fisherfolk ang naapektohan sang dako nga production loss sa 10,595 metric tons nga nagakober sa 15,868 hectares.
Apang suno diri, lauman nga masaka pa ang balor sang halit nga ginbilin sang bagyo.
Nagapanguna nga may dako nga damage cost amo ang Occidental Mindoro nga ginasundan sang North Cotabato, Palawan, Negros Occidental, Tarlac, kag Nueva Ecija.
Pahayag ni de Mesa ang mga naapektohan nga pananom ang yara pa sa early vegetative stage kag mahapos nga marekober kag makatanom sa liwat.
Dugang pa sini 90 porsyento sa affected crops ang ginakabig lamang nga ‘partially damaged’.
