Ginkumpirmar sang regional director sang Department of Agriculture-Negros Island Region nagsugod na sila sa pagpanagtag sang financial assistance sa mga sugar farmers sa Negros Occidental sa idalom sang Presidential Assistance for Farmers and Fisherfolks Program.
Sa interview kay Regional Director Jose Albert Barrogo, nakaumpisa na sila sa pagpanagtag sang cash assistance kag nagpatigayon sila sang payout sa banwa sang Murcia kag Don Salvador Benedicto kasubong man nakapanagtag naman sila sa Cadiz City, Manapla, EB Magalona kag Victorias City.
Suno kay Barrogo, P2,325 ang nabaton sang kada isa nga beneficiaries.
Suno diri gin-una lamang mga sugar farmers nga may yara sang 2 hectares nga ginauma nga duta.
Subong nga adlaw, makabaton sang nasambit nga ayuda ang mga sugarcane farmers sa Talisay City kag Silay City.
