Ginpahayag ni Agriculture Secretary Francisco Tiu Laurel nga maganubo ang presyo sang bugas sa tunga-tunga sang Oktubre bangud ang mataas nga presyo sang mga daan nga stocks ang naconsume kag gin-islan na sang mas barato nga mga stocks.
Sa isa ka Senate hearing, ginpahayag ni Laurel nga ang presyo sang bugas ang dapat nga magnubo sa final quarter sang 2024 apang mabatyagan ang full effect sa Enero.
Suno kay Tiu, iya ini ginatawag nga fearless forecast kun sa diin maganubo ang presyo sang bugas sa tunga-tunga sang Oktubre.
Suno sa iya, kun P50 sa karun ang presyo, magadangat ini sa P45.
Sa data sang Philippine Statistics Authority, nagnubo na ang presyo sang bugas, nga gintunaan sang mas manubo nga inflation rate sa bulan sang Setyembre.
Suno pa diri, panubuon sang National Food Authority ang presyo sang palay sa P23 kada kilo sa masunod nga semana nagikan sa P27 per kilo sa karun.
Nagapabilin naman ang pungsod nga top rice importer sa bilog nga kalibutan.
