Daan nga video nanday late Senator Miriam Defensor Santiago kag late Chief Justice Renato Corona, gin-play sang defense counsel sa impeachment trial ni VP Sara
-- ADVERTISEMENT --

Ginpakita sang defense team ni Vice President Sara Duterte ang isa ka clip sa Corona Impeachment Trial kun sa diin kaangay nga naga-lecture si former Senator-judge Miriam Defensor-Santiago sa House Prosecution panel.

Isa sa mga namensyonar sang nagtaliwan na nga senadora ang gina-alegar pagkalipay sadto sang prosekusyon nga kaangay nga sila ang nagdaog na sa kaso apisar nga wala pa natapos ang trial.

Matapos sang pila ka minuto nga pagplay sang video, ini ang ginpa-untat man ni Trial Presiding officer Chiz Escudero.

Ginkwestyon naman ni Senator-Judge Erwin Tulfo ang liwat nga pagpagwa sang defense team sang old video ni late Senator Miriam Santiago.

Ginpamangkot ni Tulfo kun ano ang kaangtanan sang nasambit nga video sa karun nga trial, kag ginpahayag nga kaangay nga nagalantaw na lamang sila sang pelikula.

-- ADVERTISEMENT --

Gintindugan man sang senador nga iban nga kaso ang ginatalakay sa video, kag lain man ang mga senador nga nagahuman sang impeachment court sa karun sangsa mga senador sa tion ni Santiago.

Ang video amo ang pagsaway ni late Senator Santiago sang 2012 sang gin-atras sang prosekusyon ang lima sa walo ka Articles of Impeachment batok kay late Chief Justice Renato Corona.

Apelasyon niya sa depensa, nga papahuwayon na ang nagtaliwan nga senadora.

Ginsuportahan man ni Senator Ping Lacson ang pahayag ni Tulfo.

Kasunod sini, nagpagwa pagid ang defense team sang video sang testimoniya ni late Chief Justice Renato Corona sa iya nga impeachment trial sa Senado sang 2012.

Madumduman nga sa trial, ginpamatbatan nga ‘guilty’ si Corona matapos magboto ang 20 ka Senador sa Article 2 ukon tuhoy sa Statement of Assets, Liabilities and Net Worth (SALN).

Apang, madasig nga nagsal-ot si Senator-Judge Raffy Tulfo kag ginklaro nga ang guilty verdict ni Corona ang bangod sa pagbinutig sini sa iya SALN, nga gin-ugyunan man ni defense lawyer Atty Mark Vinluan.