Kadungan sang pag-umpisa sang klase nangin magutok na ang dalagan sang trapiko bangud madamo na ang mga nagabiyahe nga mga estudyante padulong sa mga eskwelahan.
Sa Negros Occidental National High School, nagdangat sa 9,059 ang mga registered learners kag 1,506 diri ang mga grade 10 students santo sa pinakaulihi nga data.
Madamo sang mga nastranded nga mga estudyante sa waiting shed sang eskwelahan kasunod sang madamol nga pag-ulan kaina sang aga.
Isa man sa nagpagutok sang trapiko kaina sang aga ang madamo nga estudyante nga nagatabok sa pedestrian lanes malapit sa mga eskwelahan sa syudad sang Bacolod.
Nakacomplete uniform naman ang kalabanan sa mga estudyante nga nagpadulong sa NOHS.
May yara naman sang ginbutang nga lugar agud magcheck sang temperature sang mga estudyante kag gina-obserbar man sang mga ini ang physical distancing sa mga classrooms.
Samtang ginkalipay naman sang mga ginikanan ang pagbalik sang face to face nga klase bangud mas maayo ini komparar sa distance learning.
Suno kay Renalyn Diaz nga may estudyante sa Grade 11 kag Grade 12, mas maayo nga nagaface to face ang mga estudyante bangud may yara sang mga maestra nga magatudlo sa ila ilabi na sa mga subjects kag mga topic nga indi nila maintindihan.
Suno kay Diaz maayo man ang modular bangud wala sang pletehan apang mabudlay man sa ila bangud kun nagapatudlo sa ila ang mga estudyante sila man mismo ang nabudlayan man gani mas maayo nga may yara sang maestra nga magtudlo sa mga estudyante.
Wala pa ini nakabakal sang requirements sa eskwelahan bangud ginahulat pa nila ang ihatag sang mga manunudlo sa mga estudyante.
Samtang… Nagapasalamat man si Maricel Sombi, ginikanan sang Grade 10 kag Grade 11 nga estudyante sa Negros Occidental High School, mas maayo nga yara sa eskwelahan ang mga kabataan agud nga mahimo gilayon ang dapat ubrahon.
Suno kay Sombi, ang mga bata ang wala gilayon nagaubra sang ila nga module gilayon sang nagamodular pa gani mas maayo nga may yara sang mga maestra nga magtudlo.
Mas maayo nalamang ang face to face classes apisar nga magadugang ang ila gasto.
