Nagpasalamat ang mga Ebike drivers sa pagresume sang pagkay-o sa dalan sa bahin sang Brgy 2, Bacolod City.
Madumduman nga sang tinalikdan nagpanawagan ang mga residente paagi sa Bombo Radyo Bacolod nga makay-o na ang dalan nga nagatuga sang traffic, kabudlayan sa mga nagalabay kag posible makaresulta sa aksidente.
Ginareklamo sang mga residente ang guba nga dalan nga madugay na nga ginsuguran apang wala na ginbalikan kag gintapos.
Sa interview sang Bombo Radyo sa Ebike driver nga si Richard, nagpasalamat ini sa Bombo Radyo sa paghatag sa ila sang kahigayunan nga mapabutyag ang ila concerns.
Sa karun, nagbalik na ang pagconstruct sa dalan apang ginapangabay man nila nga tayuyon ang trabaho.
Suno kay Richard bilang PWD, mabudlay sa iya magbyahe labay sa dalan nga gubaon bangod makaagi na ini nga natumba didto.
