Todo suporta ang mga fans sang Dallas Mavericks sa Houston,Texas, USA, sa Game 2 sang NBA Finals batok sa Boston Celtics.
Sa interview sang Bombo Radyo Bacolod kay Bombo International News Correspondent Noor Moraña, derekta sa Houston, Texas, USA, 98 porsyento ang pagpati sini nga makabawi ang Mavericks sa game 2 matapos ang kapierdehan sang team sa score nga 107-89 sa Game 1 sang NBA Finals.
Suno diri, madamo sang mga fans ang nagabakal sang t-shirts, jersey, kalo, relo kag iban pa nga merchandise nga nagapakita sang ila suporta para sa Mavericks.
Samtang, aminado man ini nga may yara sang dako nga mga pustahanay nga masami man nga nagakatabo didto basta may yara sang mga sports events.
Pagabantayan naman ang Game 2 sang NBA Finals bwas nga adlaw, Lunes, alas- 8:00 sang aga, oras sa Pilipinas.
