Ginpanubo sang Bureau of Fire Protection sa P5 million ang balor sang halit nga gintuga sang sunog sa Java Pension House sa corner Gonzaga-Locsin Streets, Bacolod City, Martes sang aga.
Una na nga ginpahayag sang BFP Bacolod kahapon nga nagdangat sa P8 million ang balor sang damage sa pension house.
Sa interview sang Bombo Radyo kaina sang udto kay Fire Chief Inspector Publio Ploteña, fire marshal sang Bacolod, santo ini sa inspection kag sa dokyumento nga ginsumiter sadto sang management sa ila opisina.
Nahibaluan nga anom ka mga persona ang nagkalamatay kadungan sang sunog kahapon sang kaagahon.
Ini ang ginalakipan sang tag-iya nga si Christopher Java, 12-anyos nga bata nga si Miguel, iloy ni Christopher nga si Magdalena kag yaya nga si Ronalyn Dacalio sang Barangay Abuanan, Bago City.
Magluwas sa ila, patay man ang duty sa front desk nga si Arnold Filomeno kag isa pa gid ka lalaki.
Nagdangat naman sa apat ang pilason kalakip na ang isa ka Australian national nga amo nalang ang nagaisahanon nga nagapabilin subong sa ospital samtang yara na sa luwas nga kahimtangan ang tatlo.
