Naghatag sang 5 million pesos ang Dangerous Drugs Board (DDB) sa ciudad sang Bacolod bilang dugang nga pondo sa konstruksyon sang Bacolod Drug Rehabilitation and Treatment Center sa Barangay Alijis.
Suno kay Mayor Evelio “Bing” Leonardia, tuman ang pagpasalamat sini kay DDB chairman Catalino Cuy sa nasambit nga bulig kag paghatag sang prayoridad sa ciudad.
Nagpasalig man si Leonardia nga magatukod sang komitiba nga magadumala kag magapadayon sang proyekto.
Ang cheke ang ginturn-over nanday DDB chief cashier Melanie Castillo, Accountant Ludivira Jarin kag Conference Secretariat Staff Romel San Pedro sa city officials kahapon.
Ang Balay Silangan ang isa ka pasilidad para sa mga drug surenderer nga may yara sang severe drug use disorder.
Nahibaluan nga nagabalor sang 35 million pesos ang nasambit nga proyekto kun sa diin nakahatag na sang 2018 ang DDB sang 10 million pesos.
Ginalauman nga makasugod na sa pag-operate ang Balay Silangan sa masunod nga tuig.
