Nagpasalamat ang Department of Agrarian Reform Negros Island Region sa tanan nga mga empleyado nga nagsuporta sa ginpatigayon nga Regional Wellness Activity 2026.
Ini ang ginpatigayon sa Panaad Park and Stadium sang Setyembre 1 tubtub 2.
Sa interview sang Bombo Radyo Bacolod kay DAR NIR regional public information officer Lourie Van Nicor, ang wellness activity ang para kuntani sa 38th anniversary sang Comprehensive Agrarian Reform Program sang Hunyo apang naisol bangud sa mga bagyo kag iban pa nga factors.
Gintinguhaan naman sang DAR NIR nga matigayon ini sa pagpanguna ni regional director Lucrecia Taberna.
Basketball tournament lang kuntani ang patigayunon apang madamo nga mga empleyado ang nagduso nga maghiwat man sang volleyball tournament gani nangin regional wellness activity.
Nagpadulong diri sa Bacolod ang mga empleyado nagikan sa apat ka provincial offices sa Negros Occidental, Negros Oriental kag Siquijor.
Nagsugod ang ila aktibidad paagi sa isa ka motorcade sang Setyembre 1 kag ginsundan sang Zumba party.
Suno kay Nicor, sila sa regional office ang naengganyo sang mga empleyado nga magpatigayon sang wellness activity bangud willing ang mga ini nga magbyahe sang malayo agud lang nga makapasakop.
Nalipay ang regional office sa resulta sang aktibidad bangud nakita nila ang pag-isa sang DAR NIR nga nagsanto sa ila slogan nga One Team, One Goal, One DAR kag One Negros Serbisyo Agraryo Una.
Nagpasalig naman si Nicor nga planuhan nila sang mas maayo ang regional wellness activity sa masunod nga tuig.
