Matapos ang magnitude 7.4 nga linog kahapon sang aga, liwat nga gintay-og sang magnitude 6.8 nga linog ang Davao Oriental alas 7:12 kagab-i, Oktubre 10.
Ang bag-o nga pagtay-og sa Davao Oriental ang daw kaangay ang kusog sa magnitude 6.9 nga linog sa Cebu sang Setyembre 30.
Suno sa Philippine Institute of Volcanology and Seismology (PHIVOLCS), ang latest nga linog ang narekord sa 36 kilometers southeast sang Manay, Davao Oriental.
May kadalumon ini nga 10 kilometers kag tectonic ang ginhalinan.
Nabatyagan ang Intensity IV sa Davao City kag Bislig City sa Surigao del Norte.
Kaangay nga intensity man ang nabatyagan sa iban pa nga lugar kaangay sang Magpet, Cotabato; Digos City, Davao del Sur; Sta. Maria, Davao Occidental; Nabunturan, Davao de Oro; Gingoog City, Misamis Oriental; Malungon, Alabel, Sarangani; Tupi, South Cotabato; kag Hinunangan, Southern Leyte.
Kaangot sini, nagpagwa ang Phivolcs sang tsunami alert matapos ang aftershock.
Nagpaandam man ang Phivolcs sa mga halit kag aftershocks matapos ang panibag-o nga pagtay-og.
