Ginpahayag sang dean sa College of Law sang University of St. La Salle (USLS) – Bacolod nga manubo ang tsansa nga Pilipino nga abogado ang magadepensa kay former president Rodrigo Duterte sa International Criminal Court sa The Hague, Netherlands.
Sa interview sang Bombo Radyo Bacolod kay Atty Ralph Sarmiento, nakita sini ang proseso nga ginpatuman kag ang gina-alegar nga may yara sang isyu sa pagserbe sang warrant of arrest kay Duterte ang mahimo ma-raise sa ICC kag ang chamber na ang madeterminar kun may yara gid man sang bayolasyon.
Suno sa abogado, sa pagdepensa sang anay presidente sa iya kaugalingon, may yara sang pila ka accredited nga lawyer nga mabulig sa iya, apang manubo ang tsansa nga may Pilipino nga abogado nga yara didto samtang may yara man sang maprovide nga lawyer ang korte.
Pahayag ni Sarmiento, madamo sang epektibo nga kinamatarong si Duterte bilang akusado kaangay sang right for fair treatment, fair trial, medication, right to council kag iban pa.
Mensahe sini, iya ginapangabay nga magkalma ang tanan bangod ang hustisya ang mangita sang pamaagi nga magdaog ini nga kun mapamatud-an nga may sala si Duterte siya ang magapangatubang sang penalidad samtang kun mapamatud-an naman nga siya inosente, madismiss ang kaso kag siya ang makapauli sa Pilipinas.
