Nagdangat na sa indi magnubo 31 ka mga persona ang nadulaan sang kabuhi bangud sa impact sang habagat kag tropical cyclones Crising, Dante kag Emong santo sa latest data nagikan sa National Disaster Risk Reduction and Management Council (NDRRMC).
Sa kabug-usan nga numero, 13 diri ang kumpirmado kag 18 ang ginapaidalum pa sa verification.
Ang pinakamataas nga numero sang fatalities ang narecord sa National Capital Region (NCR) nga may siyam, Region 3 nga may duha, kag tag-isa nagikan sa Region 10 kag Caraga Region.
Anum ka mga indibdiwal ang nagapabilin nga missing samtang napulo ka iban pa ang pilason.
Nakareport man ang NDRRMC sang kabug-usan nga 1,628,867 ka pamilya ukon 5,891,952 ka mga indibdiwal nga naapektuhan sa 17 ka mga rehiyon kag 70 ka mga probinsya.
186 ka mga lugar sa palibot sang pungsod ang nagdeklarar sang state of calamity.
