Nagdangat na sa masobra 46 mil ang nagkalamatay sa linog nga nag-igo sa Turkey kag Syria kag ginalauman nga magsaka pa ang numero.
345,000 naman ka mga apartments sa Turkey ang nagkalaguba kag madamo pa ang missing.
12 ka adlaw matapos ang linog, nagapadayon ang search and rescue operations sang mga pumuluyo.
Suno kay Yunus Sezer, head sang Disaster and Emergency Management Authority sang Turkey, pagauntaton ang search and rescue operations sa Domingo sang gab-i.
Ang death toll sa Turkey ang nagdangat na sa indi magnubo 40,642 samtang nakareport naman ang Syria sang masobra 5,800 ka mga fatalities.
Indi magnubo sa 200 ka mga kabataan ang milagro nga narescue apang ginatumod pa ang mga pamilya sang mga ini.
Ini ang ginalakipan sang nagaedad sang anum tubtob duha ka tuig.
May yara man sang narescue nga mga iloy sang mga bata apang napatay man sa ospital bangud sa mga naangkon nga pilas.
May kabudlayan sa gihapon ang retrieval kag rescue operations bangud sa tuman katugnaw nga panahon kag kakulangan sang running water.
Matapos ang duha tubtob tatlo ka adlaw nga maretrieve ang bangkay sang mga nalinugan sa Turkiye ginapalubong na gilayon sang gobyerno paagi sa gindihon nga mass grave.
May ginpang-aresto naman nga mga engineers bangud mga nagkalaguba nga mga bag-o patindog nga balay.
Nagdangat naman sa masobra 100 ka pungsod ang nagpadala sang team sa pagbulig sa pagrescue.
Nagakinahanglan man sang tatlo ka bulan ang retrievel kag nagpain man ang gobyerno sang Turkiye sang $5 billion para sa pagpatindog sang mga buildings kag mga balay nga naapektuhan sang linog.
