Nagsaka na sa 3,145 ang death toll nagikan sa magnitude 7.7 nga linog nga nagtay-og sa Myanmar malapit isa ka semana na ang nagkaligad, suno sa military-led government samtang nagapaninguha ang humanitarian aid groups nga maghatag sang medical care kag shelter sa mga survivors.
Gin-anunsyar ni Information Minister Maung Maung Ohn sa isa ka meeting sa capital nga Naypyidaw nga 4,589 ka mga persona ang napilasan samtang 221 ka iban pa ang missing.
Ang epicenter sang magnitude 7.7 nga linog sang Marso 28 ang malapit sa Mandalay, ang ikaduha nga pinakadako nga ciudad sa Myanmar.
Ini ang gintunaan sang pagkaguba sang linibo nga mga buildings, nagkalaguba nga mga dalanon kag nagguba sang mga taytay sa nagkalain-lain nga rehiyon.
Suno sa World Health Organization, santo sa initial assessment sini, apat ka mga ospital kag isa ka health center ang nagkalaguba samtang 32 ka iban pa nga ospital kag 18 ka mga health centers ang partially damaged.
