Nagdangat na sa 40 ang numero sang mga napatay sa paglugdang sang MV Trisha Kerstin sa Basilan matapos makarekober sang mga otoridad ang tatlo pa gid ka bangkay sang mga pasahero nga sakay sini.
Suno sa Philippine Coast Guard (PCG), ang nakarekober sang mga bangkay amo ang lokal nga pamunuan sang Hadji Muhtamad partikular sa Baluk-Baluk Island, samtang ang isa naman ka bangkay ang nakita sa Lantawan Island.
Gilayon nga gindala sa Zamboanga City ang mga bangkay para sa identification kag sa nagakaigo nga disposisyon.
Samtang, ginpasiguro sang Maritime Industry Authority (MARINA) nga ipasaidalom nila sa imbestigasyon kag review ang mga nangin pahayag sang mga survivors sa insidente nga may kulang sa mga life vest, mga nadula nga mga pangalan sang mga pasahero kag nga ang barko gina-alegar nga isa lamang ka replacement.
