Nagdangat na sa indi magnubo 80 ang death toll sa pagpanghalit ni Tropical Cyclone Batsirai suno sa mga otoridad sa Madagascar.
Suno sa National Office for Risk and Disaster Management (BNGRC), nagikan sa 30 ka mga fatalities sang Martes, nadugangan ini sang 60 ka mga nagkalamatay nagikan sa Ikongo district, malapit saeast coast sang Indian Ocean island nation.
Suno sa BNGRC, ang Tropical Cycle Batsirai, nga nagland fall sang weekend, ang nagduso sa kapin 60,000 ka mga persona nga mag-evacuate sa ila mga puluy-an kag 94,000 ka mga persona nga nagakinahanglan sang emergency assistance.
Kalabanan sa mga nagkalamatay ang nadulaan sang kabuhi matapos nagcollapse ang ila mga puluy-an.
Nagsugod naman sa pagdeploy sang mga resources kag teams ang NGOs kag mga UN agencies agud mabuligan ang mga biktima sang cyclone nga nagtuga sang makusog nga ulan kag hangin nga may kabaskugon 165 kilometers ukon102 miles per hour.
Nagpadala ang France sang 60 ka mga emergency workers agud magset up sang mga pasilidad para sa ilimnon nga tubig kag nagpalupad sang mga drones agud i-assess ang halit sa mga lugar nga mabudlay malab-ot.
