Ginhangkat ni Vice President Sara Duterte si Defense Secretary Gilberto “Gibo” Teodoro Jr. nga pangalanan ang mga opisyal sang gobyerno nga gina-alegar “pro-China” ukon naga-depensa sa Beijing angot sa isyu sa West Philippine Sea (WPS).
Ini ang ginpahayag sang bise presidente kahapon kasunod sang statement ni Teodoro nga dapat magbiya na lamang sa puwesto ang mga opisyal sang gobyerno nga wala nagasuporta sa polisa sang Pilipinas kag nagadampig sa China.
Suno pa diri, indi dapat magbuya si Teodoro sang kaangay nga akusasyon nga wala sang may ginsambit nga partikular nga listahan ukon mga pangalan sang mga opisyal.
Dugang pa niya, ang paghaboy sang general nga alegasyon nga wala sang may ginatumod ang nagatuga lamang sang espekulasyon batok sa iban nga mga opisyal nga wala man sang ihibalo.
Pahayag ni VP Sara, mahimo malakip pa si President Ferdinand “Bongbong” Marcos Jr. sa mga pagadudahan sang publiko.
Gindepensa naman ni Teodoro nga katungdanan lamang sang mga opisyal nga ipatuman ang polisa sa idalom sang Administrative Order No. 29.
