Nakalista sang 24 ka mga initial witness ang defense team ni Vice President Sara Duterte nga natalana nga ipresenta sa pagbalik sang impeachment trial sa masunod nga semana.
Suno kay Senate impeachment court spokesperson Regie Tongol nga nakabaton ang korte sang duha ka formal manifestations nga may upod nga request para sa subpoena duces tecum kag ad testificandum nga gin-file sang depensa sang Nobyembre 4, santo sa five-day notice, para sa mga hearing sa Nobyembre 9 tubtob 13.
Una na nga nagpagwa ang depensa sang 25 kuntani ka mga testigo apang nag-decline bilang witness si law professor Dean Ralph Sarmiento.
Suno kay Tongol, si Sarmiento ang natalana kuntani nga magserbe bilang witness sa legal kag constitutional principles angot sa impeachment case kag sa Article II ukon ang alegasyon sa unexplained wealth sang bise presidente.
Ginpahayag sang impeachment court nga ang mga identity sang nabilin nga witness para sa Nobyembre 19, 20, kag 23 nga mga hearing ang iga-disclose sa palaabuton santo sa five-day notice requirement.
