Sa ika-12 nga adlaw sang impeachment trial ni Vice President Sara Duterte, nagpamatok ang iya defense team sa pagmarka sang isa ka bahin sang affidavit ni Arturo Lascañas bilang prosecution exhibit.
Suno sa lead defense counsel nga si Atty. Sheila Sison, indi dapat markahan ang nasambit nga affidavit bilang ebidensya bangud, suno sa depensa, ini ang unnotarized kag wala pa naberipika sang isa ka competent witness.
Madumduman nga ginbasa ni NBI Director Melvin Matibag ang bahin sang affidavit bilang suporta sa Article IV sang Articles of Impeachment batok kay Duterte.
Suno kay Matibag, gin-usisa sang NBI ang affidavit bilang kabahin sang ila imbestigasyon sa gin-alegar pattern of violence angot sa assasination threat batok kanday President Ferdinand “Bongbong” Marcos Jr., First Lady Liza Araneta-Marcos, kag anay House Speaker Martin Romualdez.
Si Lascanas amo isa ka self-confessed nga katapo sang Davao Death Squad (DDS).
Ginpahayag sini sa iya nga affidavit ang gin-alegar papel sang bise presidente sa “Oplan Tokhang” sa Davao City sang siya pa ang alkalde sadto.
