Ginpahayag ni NATO Secretary General Jens Stoltenberg nga ang defensive alliance ang indi pagpamahog sa Russia kag nagpaandam nga ang reaksyon sang pungsod sa aspiring membership sang Ukraine ang “new normal” sa Europe.
Suno sa Russia, ginpangwithdraw na ang iban nga mga troops sa Ukrainian border matapos 125,000 ka mga suldado ang ginhamtang sang Nobyembre 2021.
Sa isa ka press conference tuhoy sa sitwasyon sa Ukraine, ginpahayag ni Stoltenberg nga wala pa ini sang may nakit-an nga maskin ano nga senyales sang de-escalation sa rehiyon, apisar sang mga panindugan ni Russian President Vladimir Putin nga may ginpangpull-out ini nga mga troops.
Gindugang man sini nga may igatukod nga bag-o nga NATO battle groups sa Europe bilang pagresponde sa reaksyon sang Russia sa attempt sang Ukraine nga makigbahin sang defensive alliance.
Suno kay Stoltenberg, anag NATO ang ini pagpamahog sa Russia.
Suno diri, wala sang may nakahibalo kun ano ang matabo sa Ukraine apang ang sitwasyon sa karun ang nagapakita na nga nagapangatubang sila sang krisis sang European security.
Gindugang man sini nga amu na ini sa karun ang “new normal” sa Europe gani nagdesisyon ang mga ministers nga magdevelop sang mga options agud mapakusog ang depensa sang NATO lakip na ang pagtukod sang battle groups sa central, eastern kag south-eastern Europe.
