Ginalauman nga magadeklarar ang Department of Agriculture sang isa ka food security emergency subong nga semana, partikular na sa Miyerkules, Enero 22, 2025.
Suno kay DA spokesperson Assistant Secretary Arnel de Mesa, ang expectation amu nga mabaton na sang DA ang kopya sang resolution sang approval sang recommendation nga magdeklarar sang food security emergency.
Suno diri, ginalauman nga mareview ini sa Lunes tubtob Martes kag pagka-Miyerkules, ang tiglikom ang magahimo sang tikang natuhoy diri kag ginalantaw nga liwat nga magadeklarar sang isa ka food security emergency.
Una na nga nag-approve sang isa ka resolution ang National Price Coordinating Council nga nagahangkat sa Department of Agriculture nga magdeklarar sang isa ka “food security emergency for rice” samtang nagapabilin nga mataas ang presyo sang commodity.
Sa idalum sang Republic Act 12078 ukon ang layi nga naga-amenda sang Agricultural Tariffication Act, may yara sang gahom ang Agriculture Secretary nga magdeklarar sang isa ka food security emergency sa bugas bangud sa kakulang sang supply ukon extraordinary increase sa presyo.
