Ginasuportahan ni Negros Occidental Governor Eugenio Jose Lacson ang pagdeklarar sang national state of calamity bangud sa ginalantaw nga mangin epekto sang El Niño phenomenon sa pungsod.
Suno sa pahayag ni Lacson, ang Negros Occidental kag bug-os nga rehiyon ang isa sa mga ginalantaw nga maapektuhan sang El Niño, partikular na ang sektor sang agrikultura.
Ginpahayag sang gobernador nga ang katuyuan sang pagdeklarar sang state of calamity amo nga mangin accessible ang dugang nga pondo agud ma-address ang sitwasyon.
Dugang pa sang gobernador nga sa karun ang naeksperyensyahan sang probinsya ang ulan kag init nga maayo nga kombinasyon para sa mga pananum partikular na sa tubo.
Ginpahayag man sini nga sa tion nga mag-igo ang El Niño mangin malawig ini nga dry spell.
