Nakuha sang mga delegates sang Region 6 ang kadalag-an sa 15 ka mga hampang kahapon sa Pre-Palaro Games nga ginapatigayon sa karun sa Cebu City.
Suno kay Hernani Escullar Jr., tagpamaba sang Department of Education Region 6, 305 ka mga atleta, coaches, chaperon kag mga miyembro sang technical working group nagikan sa Region 6 ang yara sa karun sa Cebu City agud magcompete sa Pre-Palaro Games.
Suno kay Escullar, kahapon 15 na ka hampang ang nadag-an sang Region 6 batok sa Region 7, 8 kag 9 apang unofficial pa ini bangud ang Dep-Ed Division of Cebu ang maga-anunsyar sang official result.
Kaina, nagdaog man ang Region 6 sa basketball 3×3 secondary level batok sa Region 8.
Suno diri, target sang region nga makuha ang Rank 1 agud makacompete sa Palarong Pambansa.
Suno sa iya, tuman ka dako sang responsibilidad sang mga atleta agud masiguro nga madaog nila ang hampang kag sila nga mga miyembro sang technical working group ang yara naman agud maghatag sang kinahanglanon sang mga atleta.
Sa karun, suno sa tagpamaba, ang resulta sang games ang nagapakita nga nagabunga na ang dedikasyon sang mga atleta.
Ang Pre-Palaro Games ang nagsugod sang Hunyo 15 kag magatakop sa Hunyo 17 sang gab-i.
