Deliberasyon sang 2025 proposed budget sang Negros Occidental, patigayunon sa masunod nga semana

Nakaschedule na sa masunod nga semana ang pagpatigayon sang budget deliberation para sa 2025 proposed budget sang probinsya sang Negros Occidental.

Suno kay Vice Governor Jeffrey Ferrer, acting governor sang Negros Occidental, nakasechedule sa masunod nga semana ang pagtalakay sang P6.4 billion budget kaupod ang mga department heads.

Ginalauman sini nga sa Disyembre 3, maaprubahan na ang budget bangod nga wala man sang dalagko nga problema sa pagsubmit sa opisina ni Governor Eugenio Jose “Bong” Lacson sang proposed budget.

Ang proposed budget para sa 2025 nga P6.4 billion ang mas mataas sang sa nakaligad nga tuig nga yara lamang sa masobra P5 billion.