Sa labing una nga kahigayunan, nagkampanya nga updanay sanday Democratic presidential nominee Kamala Harris kag ang ginpili sini nga vice presidential running mate nga si Minnesota Governor Tim Walz sa Philadelphia.
Sa atubang sang masobra 10,000 ka mga pumuluyo sa Temple University, ginlaragway ni Walz ang iya pagdako sa magamay nga banwa sang Nebraska, ang iya 24 ka tuig nga pagserbi sa Army National Guard kag ang iya career bilang isa ka high school social studies teacher kag football coach.
Suno diri, ang iya mga estudyante ang nag-enganyo sa iya nga magpadalagan.
Gin-atake man sini sanday Republican presidential nominee, Donald Trump, kag ang running mate sini nga si Senator JD Vance, isa ka pagpakita kun paano sini iga-approach ang traditional “attack dog” role sang isa ka vice presidential candidate apisar sang iya pagkakonserbatibo nga style.
Gincriticize man ni Walz ang Republicans sa pagduso sang mga restrictions sa reproductive rights sang mga kababainhan.
Gin-introduce naman ni Harris si Walz bilang isa ka bana, amay, manunudlo, coach, veteran, kongresista kag gobernador antes ginpredict nga makaangkon ini sang bag-o nga titulo sa Nobyembre 5 nga amu ang bise-presidente sang Estados Unidos.
