Nagapadayon ang demolition sa Manokan Country kag naplastar naman ang mga tenants sa temporary stalls sa isa ka mall sa Reclaimation area sa downtown sang ciudad sang Bacolod.
Sa pahayag ni Councilor Celia Flor, Chairperson sang Committee on Markets and Slaughterhouse sa Sangguniang Panlungsod, nakighinun-anon na ini sa mga tenants/vendors sang Manokan Country kag nakita sini nga nasubuan ang mga ini bangud sa sulod sang 42 anyos nga didto nagabaligya sa gindemolish nga stalls para sa renovation.
Suno kay Flor, nakaplastar naman ang tanan sa temporary stalls apang nagrequests ang mga ini sang Dome bangud kun mag-adlaw tuman kainit apang kun mag-ulan nagaambi kag agud man nga maakomodar ang madamo nga mga customer.
Dugang man nga requests sang mga ini ang dugang nga suga.
May yara man nga nabilin nga 900 food vouchers nga natalana naman nga islan sang bag-o.
Kahapon gindemolish na ang Manokan Country.
