Liwat nga na-extend sang isa pa ka bulan ang demolition sang 22 ka mga balay sa Brgy 12, Bacolod City.
Madumduman nga patigayunon na kuntani ang demolition sang SM Prime Holdings Incorporated sa area sa idalom sang redevelopment project sa Public-Private-Partnership sa Bacolod City Government.
Apang ginpostpone ang demolition kag ginreschedule Enero 28, bangod sa ayo nga makaluluoy ang madulaan sang panimalay kadungan sang Christmas season.
Una na nga ginpanawagan sa mga pumuluyo nga ang tion ang ginhatag agud sila ang makasaylo sa rellocation site.
Apang sa ginpatigayon nga pre-demolition conference tinalikdan nga semana, liwat nag-ayo si Punong Barangay JR Alcantara nga ma-extend sang isa ka bulan ang pagdemolish sang 22 gikan sa 65 ka mga balay nga apektado kun sa diin ang iban ang nakasaylo na sa relocation site.
Sa 22 ka nabilin, 17 ang may pwesto sa relocation area samtang ang lima ang wala naqualify apang ginhatagan na lamang sang financial assistance.
Ang request ang gilayon man nga ginpahanugutan ni Bacolod City Mayor Alfredo “Albee” Benitez kag sila ang ginhatagan sang tubtob Pebrero 28 agud matapos ang pagsaylo.
Bangod na-exhaust na sang ciudad ang tanan nga pahanunot para sa mga pumuluyyo, gin-athag sang alkalde nga ini na ang ulihi nga extension.
Maga-umpisa naman sa pagboard-up kag demolition ang SM, apang gin-ayo na lamang nga sa pihak nga area magsugod agud indi matandog ang 22 ka balay.
