Nagsaka sa 117.5 percent ang kaso sang Dengue sa ciudad sang Bacolod santo sa report sang City Health Office.
Humalin sang Agosto 11 tubtob 17, nagsaka sa 192 ang kaso sang dengue kag sa karun narekord nga 794 na tanan ang dengue case sa ciudad kun sa diin tatlo na ang ginbawian sang kabuhi.
Sa ciudad sang Bacolod, nagapanguna sa may pinakamadamo nga kaso sang nasambit nga balatian ang Brgy Taculing nga may 88 case.
Ini ang ginasundan sang Brgy Bata nga may 79 dengue case, Brgy Villamonte nga may 61 ka kaso, Brgy Estefania nga may 48 ka kaso kag Brgy Mansilingan nga may 46 ka dengue case.
Sa interview sang Bombo Radyo Bacolod kay Councilor Claudio Jesus “Kalaw” Puentevella, chairman sang Committee on Health and Sanitation sa Sangguniang Panlungsod, padayon ang close monitoring sang CHO kag wala man untat ang ila kampanya batok sa dengue.
Nagpanugyan ini nga kabigon nga seryuso kag tutokan ang mga preventive measures bangod nga indi lahog-lahog ang madasig nga pagsaka sang kaso sang dengue sa ciudad.
