Natalana nga magdeklarar sang isa ka dengue outbreak ang Department of Health kadungan sang nagasaka nga kaso sang mosquito-borne disease sa pungsod.
Suno kay Health Secretary Ted Herbosa, hugot sini nga ginamonitor ang numero sang mga kaso kag nagapakig-angot sa director sang Epidemiology Bureau sang ahensya.
Suno sa iya, santo sa ila paghinun-anon, outbreak levels na ang dengue gani magadeklarar na ini sang dengue outbreak.
Kapin 136,000 na ka mga kaso sang dengue ang nareport humalin Enero 1 tubtob Agosto 13, 2024 suno sa data sang DOH.
Ini ang 33 porsyento nga mas mataas sang sa 102,000 cases sa kaangay nga period sang 2023.
Apisar sini, mas madutay naman ang nagkalamatay bangud sa dengue suno sa DOH, nga isa ka indikasyon nga ang mga pumuluyo ang nagapatigayon sang early consultion kag ginauyatan sang mga ospital sang maayo ang mga kaso.
