Ginmanduan na sang pinuno sang Provincial Environment and Natural Resources Office (PENRO) Negros Occidental ang mga field officers nga lantawon ang mga campaign materials kun nabutang sa dapat butangan kadungan sang pag-umpisa sang campaign period sang mga national candidates.
Sa interview sang Bombo Radyo Bacolod kay PENRO Head Edgardo Rostata, ginpahayag sini nga makigsapol man ini sa Commission on Election (Comelec) kaupod ang katapo sang Armed Forces of the Philippines (AFP) kag Philippine National Police (PNP).
Suno kay Rostata, magacomply man sila sa mando sang COMELEC sa pagpakigbahin sa operasyon baklas sa mga campaign materials nga wala nagsunod sa standards size kag wala sa designated areas.
Sa karun ginpahayag man ni Rostata nga nagdiutay man ang mga posters komparar sang una nga mga election period.
