Nakuha na sang Denver Nuggets ang Larry O’Brien Championship Trophy matapos magdaog sa NBA finals batok sa Miami Heat kaina sang aga.
Sa Game 5 nga ginpatigayon sa home court sang Denver, sila nangin kampeonato sa score nga 94-89.
Nakuha na sang team Denver ang trophy sa isa na lang gid lamang nila kadaog sang sila may yara na sang 3 wins sa serye sa Game 1, Game 3 kag Game 4.
Apisar nga nakakuha sang isa ka daog sa seven series ang Miami sa Game 2, wala na ini nangin palaron nga madugangan pa.
Sa interview sang Bombo Radyo kay Samahang Weightlifting ng Pilipinas President Monico Puentevella, paswerte-swerte ang lakat sang hampang kag ang kaswertehan nag-ugyon sa Denver Nuggets.
Ginkilala naman bilang MVP sang Game ang Serbian Basketball player sang Denver nga si Nikola Jokic.
Suno kay Puentevella, makit-an ang pagtinguha sang Miami apang ang best sang team kulang sa gihapon para sa ila kadag-an.
Ini sa karon isa ka history bangod ini ang una nga beses nga nakadaog ang Denver Nuggets sa NBA finals.
Apang, gin-congratulate man ni Puentevella ang coach sang Miami nga may dugong Pilipino , Erik Speolstra, sa pagdala sa team tubtob sa NBA finals.
Samtang, suno naman kay Basketball Analyst, Leo Ceralbo, preparado ang Denver Nuggets sa games gani sila nagpanginbabaw sa NBA.
Suno diri, uhaw kag motivated ang team bangod ini ang pinakauna nga beses nga sila nakatapak sa NBA kag makita sa mga players nga luyag gid nila nga makuha ang kampeonato.
