Nagpasalig ang Department of Agrarian Reform (DAR) sang mas madasig nga pagdistribute sang Certificate of Land Ownership Award (CLOA) para sa mga benepisyaryo sang Comprehensive Agrarian Reform Program (CARP).
Sa intervew sang Bombo Radyo kay Dr John Chiong, National Commander sang Task Force Kasanag, nagsulat ini kay DAR Secretary Conrado Estrella III, sa paghingyo nga mapadali ang pagpanagtag sang CLOA sa mga benepisyaryo sa Negros Island.
Ini bangod nga madamo sang nagareklamo kag may problema sa ila nga duta.
Dugang pa sini, kun kaisa ang problema sa duta ang nagaresulta sa krimen.
Ginsabat naman sang DAR ang request sang Task Force Kasanag kag nagpasalig nga padasigon ang paghatag sang CLOA.
Madumduman nga tinutuyo ni President Ferdinand Marcos Jr nga madistribute ang kapin sa 60 mil ka mga CLOA sa mga benepisyaryo antes matapos ang tuig 2024 kag sa karun nagdangat na sa kapin sa 30 mil ang nahatagan sang CLOA humalin sang Enero tubtob Mayo.
