Liwat nga ginpasiguro sang Department of Agriculture (DA) nga indi dilikado nga kaonon ang isda halin sa Taal Lake.
Ini ang ginpasiguro sang DA matapos nanaog ang sales sang isda nga ginakuha sa Taal lake samtang padayon ang pag-search sang Philippine Coast Guard sa mga posible nga tul-an sang missing ‘sabungeros’ ukon cock fighting enthusiasts nga gin-alegar ginpangdagdag sa Taal lake.
Suno kay DA Spokesperson Assistant Secretary Arnel De Mesa, madamo sang nagahambal sa social media nga indi anay sila magkaon sang isda apisar nga wala man sila sang husto nga basehan.
Dugang pa sini, bisan may makit-an man nga human remains sa Taal Lake, indi ini sa gihapon maka-apekto sa kalidad sang isda.
Pahayag ni De Mesa, focus sa karun sang BFAR amo nga mapadula ang kakulba sang mga nagakaon sang isda amo nga sa Hulyo 22, 2025, may patigayonon nga boodle fight ang BFAR kaupod ang mga local fishermen, traders, kag local officials agud mapamatud-an nga ang isda nga nakuha sa Taal Lake safe kaonon.
