Ginpahayag sang Department of Agriculture (DA) nga nagaistorya sila sa karun sa mga envoys nagikan sa Pakistan kag India natuhoy sa pagsecure sang commitments agud magsupply sa Pilipinas sang isa ka combined two million metric tons (MT) sang bugas.
Suno kay Agriculture Secretary Tiu Laurel, nakigkita ini kay Pakistani Ambassador Imtiaz Ahmad Kazi agud i-finalize ang isa ka agreement kun sa diin maga-allocate ang Pakistan sang tubtob isa ka milyon nga metric tons sang bugas kada tuig sa Pilipinas.
Kaangay nga deal ang gin-istoryahan man kaupod si Indian Ambassador Shri Harsh Kumar Jain.
Suno sa iya, ang intensyon amu nga magtukod sang isa ka level playing field sa mga rice supplying nations kag luyag nila nga magcompete ang mga ini sa market sang pungsod.
Sang Disyembre tinalikdan nga tuig, nagpagwa si President Ferdinand Marcos Jr. sang Executive Order No. 50 nga naga-extend sang temporary modification sang rates snag import duty sa bugas, mais kag meat products tubtob Disyembre 2024 agud masiguro ang affordable nga presyo sang basic goods.
