Department of Agriculture, wala sang may nakita nga naglapas sa ginpatuman nga maximum suggested retail price sa karne sang baboy

Wala sang nakita nga paglapas ang Department of Agriculture sa ginpatuman nila nga maximum suggested retail price sang karne sang baboy.

Ginpahayag Undersecretary Constante Palabrica, undersecretary for livestock, nga kadam-an sa mga nagabaligya sang mga karne sang baboy ang hugot nga nagasunod sa ginapatuman nila nga MSRP.

Nagapati man ang opisyal nga dalayon na nga magapanaog ang presyo sang baboy sa masunod nga mga binulan.

Bangud sa diutay naman ang numero sang mga kaso sang naapektuhan sang African swine fever (ASF) magadamo na ang supply sang karne sang baboy.