Wala sang plano ang Department of Agriculture (DA) nga magpatuman sang price cap sa lechon.
Ginpahayag ini ni Agriculture Secretary Francisco Tiu Laurel Jr. sa tunga sang ginalauman nga pagsaka sa demand sa sini nga pagkaon sa holidays.
Ginalantaw man sang tiglikom nga magsaka sang gamay ang retail price sa pork bangud sa demand.
Mangin ang hog raisers ang nagpasiguro man sa consumers sa pungsod nga indi maubos ang stocks sa pork sa holidays.
Base sa report sang DA, mas ginpasaka sang local pig raisers ang ila produksyon sang nagligad nga tatlo ka bulan agud masiguro nga wala sang isyu sa suplay pag-abot sang Disyembre kun sa diin nakaandan na nga mataas gid man ang demand sa karne sang baboy.
Ginpasalig man sang tiglikom nga apisar sang African swine fever (ASF), bastante ang suplay sang karne sang baboy sa pungsod kag ang importasyon sa frozen pork ang nagtaas man sang 10 percent subong nga 2024 ipaanggid sa nagligad nga tuig.
