Nagaplano ang Department of Education nga buksan ang masunod nga school year sa August 22 kadungan sang pagpatigayon sang dugang nga mga education institution sang limited in-person classes kag remote learning.
Suno kay Undersecretary Diosdado San Antonio, nagapropose ang ahensya nga suguran sa Agosto 22, 2022 kag matapos sa Hulyo 7, 2023 ang academic year 2022-2023.A
Ang school year ang may yara sang 215 ka adlaw samtang magasugod naman ang Christmas break sa Disyembre 19 kag magaresume ang klase sa Enero 2, 2023.
May ginaplanuhan man nga mid-year break sa Pebrero 6 tubtob 10, 2023.
Suno kay San Antonio, ginalantaw sang ahensya ang pagpatigayon sang end-of-rites sa masunod nga school year kaangay sang graduation ceremonies humalin Hulyo 10 tubtob 14, 2023.
Suno diri, blended gihapon ang pamaagi apang mas madamo na ang face-to-face classes.
As of April 18, 23,963 ka mga eskwelahan na ang nagsugod sa pagpatigayon sang limited in-person classes suno sa data sang DepEd.
